UN COCHE DE CARALLO!!Amig@s, a realidade sempre supera á ficción, unha máxima que sempre se cumpre igual que aquela de "o que ten coche e anda a pé ben parvo é".
Como saberedes, hai teorías psicolóxicas que afirman que o coche adoita ser unha manifestación da frustración fálica do home. Pois ben, os xaponeses, sempre innovando e pensando nos galegos, acaban de sacar ao mercado un utilitario "que es la poya, neno" como diría un coruñés. Acabáronse as sublimacións, chamémoslle xa ás cousas polo seu nome. En breve escoitaremos conversas como estas:
Manoli: Pois ao final merquei un Pixo.
Laura: Ves, xa cho dicía eu, un consolador é a tranquilidade dunha casa.
Paco: Estás contento co Pixo?
Luis: Bueeeeno, moi grande non é pero fai o seu servicio.
Suso: O outro día o Pixo deixoume na estacada...
Toni: Non se che levantou?
Suso: Estaba falando do coche, tío.
Podedes rir se queredes pero este tipo de anécdotas van chegar, xa veredes que si, os galegos somos expertos en atoparlle a doble ou triple sentido a todo. E non me veñades agora con que é "Pikhso", "Pisho" ou "Pisso" e non "Pixo" (s.f. vulg. dialectal; pene, membro viril).
A coña está servida, non vos parece?
No hay comentarios:
Publicar un comentario